2010-01-11 23:57

Еўрапейская Камісія апублікавала даследаванне па ацэнцы выклікаў, з якімі Беларусь і Малдова сустракаюцца ў сферах беднасці, сацыяльнай маргіналізацыі, пенсійнага забеспячэння і аховы здароўя.

Гэта частка з серыі даследаванняў, зробленых цягам апошніх двух год у краінах, уключаных у Еўрапейскую палітыку добрасуседства (the European Neighbourhood Policy - ENP). У 2008 годзе даследаванні тычыліся сітуацыі ў Беларусі, Малдове і Украіне. У 2009 годзе вывучаўся Паўднёвы Каўказ, уключаючы Арменію, Азербайджан і Грузію.

Цалкам вынікі даследавання па Украіне і агульная справаздача па Беларусі, Малдове і Украіне будуць даступныя да сакавіка 2010 года, даследаванні па Паўднёвым Каўказе - да 2011 года.

Пашыранае рэзюме "Беларусь: сацыяльная абарона і сацыяльная інтэграцыя" (на беларускай мове) глядзіце, калі ласка, у далучаным файле.

Паводле http://ec.europa.eu