Сусветны Банк прапануе стажыроўкі для маладых людзей, зацікаўленых у вывучэнні эканомікі і сацыяльных пытанняў, што ўплываюць на жыццё людзей па ўсім свеце. Праграма дае магчымасць атрымаць практычны досвед падчас навучання і працы.

Удзельнічаць могуць студэнты краін-сябраў Сусветнага Банку. Беларусь з’яўляецца сябрам Сусветнага Банку з ліпеня 1992 года.

Аплочваемыя стажыроўкі магчымыя ўлетку і ўзімку:

1. Улетку (чэрвень-верасень) – час падачы заяў з 1 снежня па 31 студзеня кожны год;
2. Узімку (снежань— сакавік) – час падачы заяў з 1 верасня па 31 кастрычніка кожны год.

Стажыроўкі адбываюцца па наступных накірунках: эканоміка, фінансы, развіццё чалавечых рэсурсаў (ахова здароўя, адукацыя, харчаванне, насельніцтва), сацыяльная навука (антрапалогія, сацыялогія), сельская гаспадарка, навакольнае асяроддзе і інш.

Банк выплочвае ўсім удзельнікам праграмы заробак і па магчымасці аплочвае выдаткі на праезд. Удзельнікі самі аплочваюць выдаткі на пражыванне.

Мінімальная працягласць стажыравання — 4 тыдні.

Абавязковая ўмова – валоданне ангельскай мовай.



Кантактная інфармацыя:

World Bank office — Washington DC
c/o World Bank Headquarters
1818 H Street, NW
Washington DC
Washington, DC 20433 USA
phone: (202) 473-1000
fax: (202) 477-6391
internet: http://www.worldbank.org