2010-08-30 11:07

Інстытут філасофіі Нацыянальнай акадэміі навук Беларусі і Міжнароднае грамадзкае аб’яднаньне “Цэнтр вывучэньня сучаснай рэлігійнасьці” у межах Тыдня ўстойлівага разьвіцьця – 2010 ладзяць Міжнародную навуковую канфэрэнцыю “Экафільныя ідэі і канцэпцыя ўстойлівага разьвіцьця ў рэлігійных традыцыях: гісторыя і сучаснасьць”. Канфэрэнцыя адбудзецца 17 кастрычніка 2010 года ў Менску.

Да ўдзелу запрашаюцца дасьледчыкі і спецыялісты, якія вывучаюць праблемы экалагічнай размернасьці рэлігійных традыцый у гістарычнай перспектыве, прадстаўнікі розных канфесій і грамадзкіх арганізацый, якія займаюцца пытаньнямі экалагічнай асьветы і адукацыі, правядзеньнем экалагічных акцый і рэалізацыяй экалагічных праектаў.

Падчас мерапрыемства плануецца абмеркаваньне наступных тэмаў:
1. Фармаваньне экаразмернага стаўленьня да сьвета і чалавека ў дахрысьціянскіх вераваньнях, іудаізме і хрысьціянстве – пытаньні пераемнасьці і разьвіцьця.
2. Прыярытэты экафільнага ўзаемадзеяньня з прыродай у традыцыйных усходніх рэлігіях і сучасных арыенталісцкіх канцэпцыях.
3. Протаэкалагічныя ўстаноўкі ў мусульманскім рэлігійным сьветаўспрыняцьці – стан праблемы ў мінулым і сучаснасьці.
4. Канцэпцыя ўстойлівага разьвіцьця як прадмет рэлігійнага асэнсаваньня і практыкі – станоўчы досьвед і праблемы.
5. Перспектывы супрацоўніцтва рэгіянальных і міжнародных рэлігійных арганізацый па пытаньнях устойлівага разьвіцьця, іх роля ў працэсах далейшага ўзмацненьня экалагічнай асьветы і адукацыі, правядзеньні экалагічных акцый і рэалізацыі экалагічных праектаў.

У межах канфэрэнцыі плануецца правядзеньне Круглага стала на тэму “Устойлівае разьвіцьцё як мультыканфесійны праект: досьвед Беларусі”, на якім будуць абмяркоўвацца пытаньні ўдзелу розных канфесій на тэрыторыі Беларусі ў распрацоўцы тэорыі і практыкі экалагічнага руху.

Анкеты ўдзельнікаў і матэрыялы дакладаў на беларускай, рускай альбо польскай мове прымаюцца на эл. пошту ecoreligious@yandex.ru.

Апошні тэрмін – да 1 кастрычніка.

Персанальнае запрашэньне для ўдзелу ў канфэрэнцыі будзе накіравана пасьля навуковага рэцэнзаваньня тэзісаў па эл. пошце да 10 кастрычніка.

Аб’ём матэрыялаў – да 6 старонак (шрыфт Times New Roman, No. 14, інтэрвал - 1,0; Палі: верхняе, ніжняе - 2,0, левае - 3,0, правае - 2,0).

Удзел у канфэрэнцыі бясплатны. Усе іншыя выдаткі – за ўласны кошт.

Больш падрабязная інфармацыя – на вэб-пляцоўцы:
http://www.cscr.ucoz.ru/news/mezhdunarodnaja_konferencija_ehkofilnye_ide...

З пытаньнямі зьвяртайцеся, калі ласка, да Міхеевай Ірыны Барысаўны, тэл.: (GSM) +375 (29)636-44-12 (Belarus);  + 48 79 237-56-43 (Poland). E-mail: iryna.mikheyeva@gmail.com, ecoreligious@yandex.ru

Крыніца: Кроніка грамадзкага жыцьця Гарадзеншчыны