2009-12-01 00:00

Навучальны гурток: ад тэорыі да практыкі/ Метадычны дапаможнік. Пад рэд. А.Вялічка, І.Губарэвіч. - Арганізацыі Грамадзянскай Адукацыі, 2004.- 56с.

Метадычны дапаможнік "Навучальны гурток: ад тэорыі да практыкі" ўяўляе сабой адно з першых у Беларусі выданняў для лідэраў навучальных гурткоў. Навучальныя гурткі - гэта адмысловая форма самаадукацыі дарослых, вельмі папулярная ў Скандынаўскіх краінах.

Дадзены дапаможнік прадстаўляе сінтэз шведскага i беларускага досведу правядзення навучальных гурткоў у Беларусі. Змешчаны тут матэрыял прызначаны для лідэраў навучальных гурткоў, сябраў НДА, сацыяльных педагогаў, настаўнікаў, а таксама для тых, хто цікавіцца i працуе ў сферы нефармальнай адукацыі дарослых.

У дапаможніку прадстаўлены гісторыя ўзнікнення i развіцця навучальных гурткоў у Швецыі, асноўныя прынцыпы працы гуртка, параўнанне з іншымі відамі адукацыйных мерапрыемстваў. У дапаможніку змешчаны тэарэтычны матэрыял, anicaннe інтэрактыўных метадаў, прыклады вучэбных планаў праведзеных гурткоў, якія дапамогуць чытачам атрымаць адказы на практычныя пытанні, звязаныя з падрыхтоўкай i правядзеннем навучальнага гуртка.

Арганізацыі Грамадзянскай Адукацыі