2009-06-02 17:39

Як паведамляе Асамблея няўрадавых дэмакратычных аб'яднанняў, прадстаўнікі трэцяга сектара маюць намер узняць актуальныя праблемы грамадзянскай супольнасці. Паводле слоў кіраўніка асамблеі Сяргея Мацкевіча, сустрэча пройдзе "ў рэжыме інфармацыйнага абмену".

Мацкевіч нагадаў, што бесперашкодная праца няўрадавых арганізацый — адна з пяці рэкамендацый Еўрасаюза для наладжвання двухбаковых адносінаў з Беларуссю. Апрача захавання свабоды асацыяцый прадстаўнікі НУА таксама плануюць абмеркаваць з прадстаўніком Еўракамісіі тэмы, што тычацца празмерна высокага консульскага збору за шэнгенскія візы для беларусаў і дыскрымінацыі незалежных СМІ.

Апрача Сяргея Мацкевіча ў сустрэчы возьмуць удзел кіраўнік Беларускай асацыяцыі журналістаў Жанна Літвіна, праваабаронцы Алег Гулак і Валянцін Стэфановіч, паведамляе БелаПАН.