2009-02-03 11:01

Гэты маніторынг падрыхтаваны беларускімі грамадскімі арганізацыямі* ў супрацоўніцтве з замежнымі партнёрамі дзеля таго, каб дэталёвая інфармацыя пра рэальны стан рэчаў у Беларусі была даступная асобам, адказным за прыняцце рашэння пра перагляд часовага прыпынення дзеяння санкцыяў у дачыненні да пэўных прадстаўнікоў беларускага кіраўніцтва.

Справаздача ўтрымлівае наступныя высновы:

• Крокі, зробленыя беларускімі ўладамі ад пачатку дыялогу, мелі пераважна павярхоўны характар і з’яўляюцца цалкам зваротнымі. Зусім невялікая колькасць арганізацый атрымала выгоду ад гэтай сітуацыі, у той час як вельмі мала было зроблена дзеля стварэння нармальных умоваў для функцыянавання незалежнага грамадскага і медыя-сектараў у цэлым.

• Мінімальныя змены не закранулі сутнасці праблемаў, з якімі сёння сутыкаецца грамадзянская супольнасць. Працягваюцца абмежаванні ў правах і фундаментальных свабодах, што выклікае занепакоенасць і ўказвае на тое, што Беларусь яшчэ не распачала працэсу рэальнай дэмакратызацыі.

• Прадпрынятыя беларускімі ўладамі крокі па паляпшэнні сітуацыі ў краіне вітаюцца міжнароднай супольнасцю, але разглядаюцца як мінімальныя высілкі з мэтай дэманстрацыі добрай волі Еўрасаюзу і жадання працягваць дыялог.

Падрабязную інфармацыю пра сітуацыю чытайце ў далучаным файле.

*Складзена Камітэтам абароны рэпрэсаваных “Салідарнасць”, ГА “Беларускай Асацыяцыяй Журналістаў” (БАЖ), Каардынацыйнай радай прадпрымальнікаў, газетай “Белорусы и рынок”, Інстытутам менеджэрства і прыватызацыі, Асамблеяй НДА і Беларускім інстытутам стратэгічных даследаванняў у супрацоўніцтве з групай міжнародных арганізацый, якія займаюцца Беларуссю.