2010-02-11 20:26

Initiative Mittel- und Osteuropa запрашае да ўдзелу ў праекце “Новыя медыі для беларускіх НДА”.

Вас цікавіць, як зрабіць сваю працу больш эфектыўнай і прывабнай для грамадзтва? Тады праект engaged.by/media – для вас!

Апошні тэрмін падачы заявак – да 15 сакавіка 2010 года.

У межах праекта запланаваныя 5 трэнінгаў з удзелам беларускіх і замежных экспертаў у галіне новых медыяў (у красавіку, чэрвені, верасьні, лістападзе 2010 і студзені 2011 гг.).

Вас чакае:
-індывідуальны падыход і кансультаваньне паміж трэнінгамі
-практычная праца па ўдасканаленьні інтэрнэт-рэсурсаў арганізацыі
-новыя кантакты
-пасьведчаньне ўдзельніка праекта.

Магчымыя тэмы:
-распрацоўка канцэпцыі праектаў з выкарыстаньнем новых медыяў
-выкарыстаньне сацыяльных сетак для налажваньня сувязяў з грамадзкасьцю
-найноўшыя тэхнікі працы з відэа і аўдыё матэрыяламі
-візуалізацыя дадзеных і складаных сувязяў, праца з мапамі
-супрацоўніцтва і планаваньне падзеяў пры дапамозе інтэрнэту
-выкарыстаньне інтэрнэт-тэхналогій для кіраваньня арганізацыяй

Да ўдзелу запрашаюцца:
Сябры зарэгістраваных грамадзкіх арганізацый, якія адказваюць за сувязі арганізацыі з грамадзкасьцю і рэалізацыю інфармацыйнай палітыкі. Арганізацыя можа заявіць да ўдзелу каманду з 2-3 чалавек, аднак на кожным трэнінгу можа ўдзельнічаць толькі адзін прадстаўнік. Удзел у кожным сэмінары для прадстаўнікоў адабранай арганізацыі абавязковы.

Арганізацыя-заяўнік бярэ на сябе 50% транспартных выдаткаў сваіх удзельнікаў.

Больш падрабязная інфармацыя і форма заяўкі – у далучаных файлах.
 
Паводле Кронікі грамадзкага жыцьця Гарадзеншчыны