2009-11-09 10:56

2 лістапада 2009 года ў Менску адбылася канфэрэнцыя "Форум грамадзянскай супольнасці  Усходняга партнэрства: парадак дня для Беларусі". Мерапрыемства было прысьвечанае абмеркаваньню пазыцыі прадстаўнікоў беларускага грамадзянскага сэктару на  Форуме грамадзянскай супольнасьці Усходняга партнэрства, які адбудзецца 16-17 лістапада ў Брусэлі.

Дыскусія была арганізавана на пленарным пасяджэньні і паралельных тэматычных сэкцыях, якія адпавядаюць чатыром кампанэнтам Усходняга партнэрства:

(1) дэмакратыя, належнае кіраваньне і стабільнасьць;
(2) эканамічная інтэграцыя і зьбліжэньне з палітычнымі курсамі Эўразьвязу;
(3) навакольны асяродак, зьмена клімату і энэргетычная бясьпека;
(4) кантакты паміж людзьмі.

З тэкстамі некаторых дакладаў, што прагучалі на  канфэрэнцыі, можна азнаёміцца на сайце http://eurobelarus.info.

Выніковая рэзалюцыя канфэрэнцыі ўтрымлівае ўзгодненыя прапановы беларускіх няўрадавых арганізацыяў па кожным з чатырох кампанэнтаў Усходняга партнэрства. Гэтыя прапановы будуць прадстаўленыя для абмеркаваньня на Форуме ад імя беларускай грамадзянскай супольнасьці.

Тэкст рэзалюцыі даступны па спасылцы http://eurobelarus.info/content/view/3564/145/