2009-11-12 15:28

Незалежная еўрапейская краіна — Рэспубліка Беларусь. За акном упэўнена крочыць да свайго экватара шосты год ХХІ стагоддзя. Вельмі хутка сумленныя грамадзяне нашай краіны будуць святкаваць пятнаццацігоддзе атрымання незалежнасці, а разам з ёй — шанцу пабудаваць квітнеючую дэмакратычную краіну ў геаграфічным цэнтры Еўропы.

За гэтыя гады ў свеце шмат што змянілася: зніклі старыя імперыі і нарадзіліся новыя дзяржавы, прайшло некалькі бліжнеўсходніх ваенных кампаній, канчаткова аформілася ў сусветную небяспеку праблема тэрарызму, сучасныя тэхналогіі зрабілі яшчэ некалькі буйных крокаў наперад, прымусіўшы спажыўца прызвычаіцца да жыцця ў прасторы Hi-Tech, чалавецтва самым шчыльным чынам наблізілася да сустрэчы з наступствамі глабальных экалагічных праблем, Еўразвяз пашырыўся да 25 краінаў, увабраўшы ў сябе ў тым ліку і шэраг былых савецкіх рэспублік… А як пражылі гэтыя пятнаццаць год мы, сучасныя беларусы? Ці здолелі выкарыстаць дадзены нам гісторыяй унікальны шанц? Ці з'явілася ў нас за гэты час чым ганарыцца альбо пра што шкадаваць?

Публикация с сайта: http://adukatar.net