2009-11-24 17:44

Вось ужо болей за 12 год незалежная Беларусь існуе на мапах Еўропы. Цяжка пералічыць, колькі новага, сучаснага, нязвыклага, раней невядомага прыйшло ў наша жыццё за гэты час. Не засталіся па-за працэсамі зменаў і такія сферы, як адукацыя і грамадская дзейнасць. І менавіта ў выніку сур'ёзных палітычных, эканамічных і сацыяльных зменаў, якія адбыліся на прасторы былога Савецкага Саюза, сёння гэтыя дзве сферы сустрэліся і актыўна ўзаемадзейнічаюць паміж сабой у межах так званай нефамальнай адукацыі дарослых, якая ўзнікла і працягвае развівацца, дзякуючы ў тым ліку і намаганням беларускіх грамадскіх арганізацый.

Упершыню за доўгі час у нашым грамадстве з'явіліся ўмовы для рэальнага выкарыстання адукацыі ў якасці інструмента дэмакратычнага развіцця. Так атрымалася, што беларускі трэці сектар сам, пачаўшы сваё развіццё амаль што з нулявой кропкі адліку, паказаў сябе найбольш мабільным і актыўным у гэтым працэсе. Грамадскія арганізацыі не пабаяліся вучыцца новаму, аналізаваць досвед іншых краін, інтэрпрэтаваць даўно вядомае, адмаўляцца ад рудзіментаў дзеля больш перспектыўнага, у выніку чаго выйгралі ўсе.

У гэтым артыкуле робіцца спроба зрабіць кароткі агляд развіцця нефармальнай адукацыі менавіта ў межах беларускага трэцяга сектара, а таксама прааналізаваць сучасную сітуацыю ў гэтай сферы.

Публикация с сайта: http://adukatar.net