Terra inkognita, альбо грамадзяне на дзяржаўнай службе

На жаль, сярод большасці прадстаўнікоў няўрадавых арганізацый існуе пэўны стэрэатып адносна дзяржчыноўнікаў. (Прынамсі, як і сярод дзяржчыноўнікаў адносна “эндэашнікаў”). Дзяржчыноўнікі ва ўяўленні большасці НДА — гэта людзі, што сядзяць за сталамі, заваленымі паперамі, заўжды занятыя і змрочныя, што размаўляюць штампамі і не разумеюць чалавека, які такімі ж штампамі не выклаў сваю праблему на паперцы ў пэўны час за подпісам пэўных асобаў... “Бюракраты і чынушы, заўзятыя прыхільнікі несправядлівасці, якая існуе вакол і творцамі якой яны з'яўляюцца самі! Зразумела, што яны нам не дапамагаюць, дык хоця б не перашкаджалі!” — такія абураныя выказванні чуеш ад калег-эндэашнікаў, ды і сам часам не супраць пакрытыкаваць прадстаўнікоў улады.