2010-01-29 13:16

Выйшаў чарговы нумар часопіса "Адукатар" №16 за 2009 год. Тэма нумара –  “Нефармальная адукацыя ў Беларусі – да паляпшэньня якасьці жыцьця”.

Значная частка матэрыялаў нумара прысьвечана Тыдню нефармальнай адукацыі, што адбыўся ў верасьні 2009 года.

Асобнае месца займаюць матэрыялы круглага стала “Нефармальная адукацыя ў паляпшэньні якасьці жыцьця: праблемы і перспектывы”.  На круглым стале была агучана тэма стварэньня ў Беларусі незалежнага ўнівэрсытэту. У артыкулах Уладзіміра Дунаева і Сьвятланы Мацкевіч аналізуюцца перадумовы стварэньня ўнівэрсытэту новага тыпу і выказваюцца прапановы па бліжэйшых кроках у гэтым накірунку.

Мікалай Запрудскі адзначае ролю нефармальнай адукацыі ў павышэньні якасьці дадатковай адукацыі педагогаў. Аўтар зьвяртае ўвагу на тэндэнцыі “пранікненьня” ў сістэму паслядыпломнай адукацыі настаўнікаў, метадыстаў і кіраўнікоў школ элементаў нефармальнай адукыцыі і прапаноўвае розныя іншыя магчымасьці гэтага.

Канстанцін Мішчанка аналізуе дастаткова актуальны і вельмі перспектыўны накірунак разьвіцьця форм і падыходаў навучаньня, а менавіта, стварэньне і дзейнасьць віртуальных адукацыйных пляцовак.

Электронны варыянт нумара знаходзіцца на вэб-пляцоўцы АГА: http://adukatar.net/?page_id=602

Наступны нумар будзе прысьвечаны розным асьпектам разьвіцьця адукацыі ў ЭЗ і сьвеце (фінансаваньне сфэры адукацыі дарослых, Сусьветная канфэрэнцыя па адукацыі дарослых у Бразіліі, Адукацыйная палітыка ЭЗ і г.д.). Яшчэ ёсьць магчымасьць прапанаваць матэрыялы і артыкулы - іх трэба прадставіць да сярэдзіны лютага.  

Паводле Кронікі грамадзкага жыцьця Гарадзеншчыны