2009-07-27 17:02

З ініцыятывы Асамблеі няўрадавых арганізацый распрацавана Канцэпцыя развіцця грамадзянскай супольнасці Беларусі. Канцэпцыя cкіраваная на стварэнне спрыяльных умоў для ўмацавання грамадзянскай супольнасці (грамадскасці) і развіцця дэмакратыі ў Беларусі на аснове канструктыўнага ўзаемадзеяння арганізацый трэцяга сэктару і органаў дзяржаўнай улады.

Дакумент абвяшчае прынцыпы супрацоўніцтва, яе базавую структуру. У ім адзначаецца ўнёсак некамерцыйнага сектару ў развіццё грамадства, выкладаюцца агульныя намеры бакоў і канкрэтныя крокі з боку дзяржавы і грамадскіх арганізацый для стварэння практычных механізмаў рэалізацыі прынцыпаў супрацоўніцтва.

Падобнага кшталту дакументы прынятыя ў краінах ЕС (напрыклад, у Харватыі, Вугоршчыне, Брытаніі, Францыі, Эстоніі ды інш.), а таксама ў некаторых краінах СНД – Украіне і Казахстане на ўзроўні заканадаўства. Гэтая практыка вартая пераймання, бо дапамагае развіццю дэмакратыі і грамадзянскай супольнасці.

На сёняшні дзень няўрадавыя аб'яднанні Беларусі маюць абмежаваныя магчымасці для развіцця і працы на карысць грамадскасці. Гэтаму перашкаджае надзвычай цяжкая працэдура рэгістрацыі, забарона на выкарыстанне ў якасці юрыдычнага адрасу прыватных кватэраў заснавальнікаў арганізацыяў, адсутнасць ільготаў на арандаваныя памяшканні, неадэкватна складаная сістэма атрымання ахвяраванняў, іншых формаў дапамогі. Канцэпцыя прапануе шляхі развязання згаданых праблемаў.

Цяпер адбываецца збор заўвагаў і прапановаў да Канцэпцыі, якія ў далейшым будуць разгледжаныя групай распрацоўшчыкаў і рэдактароў. Канцэпцыя дасланая ў Грамадска-кансультатыўную Раду пры Адміністрацыі прэзідэнта РБ. Удакладнены і дапрацаваны варыянт Канцыпцыі прапануецца абмеркаваць увосень на публічным мерапрыемстве з удзелам лідэраў і экспэртаў ад НДА, прадстаўнікамі ўладаў, міжнародных арганізацыяў.

Праект Канцэпцыі грамадзянскай супольнасці глядзіце ў даданым файле "Kancepcyja3sektar.doc".

Attachment	Size
Kancepcyja3sektar.doc	74 KB